كذاب ياللي قايل الحب موجود
كلن يروح .. ويترك اللي يحبه
هذا طريق بآخره شي مسدود
يحطم .. احلام الاماني بغبه
ابسألك .. واباخذه منك بعهود
وش فايدة حب الحبيب ومطبه
ما دام لا شافه ولا جاه مردود
ولا تزوج .. هالحبيب الاحبه
كله كلام وكل واحد يبي يُزود
واللي ظفر وشلون تبغى يسبه
العين تبغى شي واضح ومسنود
وفيه الدلايل تنكسب في مكبه
والقلب يمشي في طريقه على مود
ما همه الا ينطرب .. وسط شبه
يسمع كلامالحب ويلين مهدود
ويذوب لانه أرهق احساس صبه
تبون احسن حاجة تفيد وتسود
اترك طريق الحب .. لو فوق قبه
هذا الكلام اللي وصل من هل الجود
خلا فؤادي .. منكسر وسط لبه
خوذوا كلامي صدق من ناعم العود
اللي بقوله .. كل شي ٍ نضبه
ابا اتطرق في كلامي على فود
تبي الصراحه .. حبهن ما نذبه
ما يذبحك يا كود اعيونه السود
والا الكلام اكثر من دروب جبه
الحال ضايع بين قاصد .. ومقصود
واللي سكت خلى الحكي والمسبه
بس افهموا يا صاحبين الاسم كود
خلوا طريق ٍ ما سلم من يطبه
روحوا طريق ٍ يعرف العز والجود
مثل اللذي واقف ويدعي لربه
هذي نصيحه قلتها في قفا طود
مع كل ما قلته .. واللي ندر به
اقول قول ٍما هو بقول مسرود
اسأل مجرب عذّب الحب قلبه
الأحد يونيو 10, 2012 7:44 pm